கபில்தேவ் தலைமையில் செயல்பட்டு வரும் ஐ.சி.எல். சார்பில், ஏற்கனவே 20 ஓவர் மற்றும் 50 ஓவர் போட்டி நடத்தப்பட்டது. இந்த நிலையில் ஐ.சி.எல். சார்பில் 20 ஓவர் கிராண்ட் சாம்பியன்ஷிப் போட்டி நடத்தப்படுகின்றது.

இந்தப் போட்டி நேற்று ஞாற்றுக்கிழமை தொடங்கியது. ஏப்ரல் 7-ந் திகதி வரை நடைபெறுகிறது. ஐதராபாத், சண்டிகர், டெல்லி ஆகிய இடங்களில் போட்டி நடிக்கிறது. தொடக்க ஆட்டத்தில் அகமதாபாத் ராக்கெட்ஸ்-சண்டிகர் லயன்ஸ் அணிகள்.மோதின இந்தப் போட்டியில் சென்னை சுப்பர்ஸ்டார்ஸ், மும்பை சாம்ஸ் உட்பட 8 அணிகள் கலந்து கொள்கின்றன. பாகிஸ்தானில் இருந்து லாகூர் பாட்ஷா என்ற அணி பங்கேற்கிறது. ஒவ்வொரு அணியிலும் வெளிநாட்டு பிரபல வீரர்கள் இடம் பெற்றுள்ளனர்.

ஒவ்வொரு அணியும் மற்ற அணியுடன் தலா ஒரு முறை லீக் போட்டியில் மோதும். லீக் முடிவில் முதல் 4 இடங்களை பிடிக்கும் அணிகள் அரை இறுதிக்கு தகுதி பெறும். மொத்தம் 34 போட்டிகள் நடைபெறும். இறுதிப் போட்டி 3 ஆட்டங்கள் கொண்டதாகும்.

இந்தப் போட்டிக்கான பரிசுத் தொகை நேற்று முன்தினம் அறிவிக்கப்பட்டது. மொத்தம் 12.30 கோடி பரிசாக வழங்கப்படுகிறது. சாம்பியன் கிண்ணத்தை வெல்லும் அணிக்கு 2.5 கோடி ரூபாவும் 2-ஆவது இடம் பிடிக்கும் அணிக்கு 1.25 கோடி ரூபாவும் 3-ஆவது இடம் பிடிக்கும் அணிக்கு 50 லட்சம் ரூபாவும் பரிசாக வழங்கப்படும்.

ஒவ்வோரு லீக் போட்டியிலும் வெற்றி பெறும் அணிக்கு - 25 லட்ச ரூபாவும் ஆட்டநாயகன் விருது பெறும் வீரர்களுக்கு -2 லட்சம் ரூபாவும் தொடர் நாயகன் விருது பெறுபவருக்கு 40 லட்சம் ரூபாவும் பரிசாக வழங்கப்படுகிறது. இதனை ஐ.சி.எல் செயற்குழு உறுப்பினர் கிரேண்மோரே தெரிவித்துள்ளார்.