இந்திய கிரிக்கெட் லீக் (ஐ.சி.எல்.) சார்பில், 20 ஓவர் கிரிக்கெட் போட்டி நடத்தப்பட்டு வருகிறது. இந்தப்போட்டியின் தொடக்க ஆட்டம் பஞ்ச்குலாவில் நடந்தது.

தொடக்க ஆட்டத்தில் அகமதாபாத் ராக்கெட்ஸ்-சண்டிகர் லயன்ஸ் அணிகள் மோதின. முதலில் ஆடிய அகமதாபாத் ராக்கெட்ஸ் அணி 20 ஓவர்களில் 5 விக்கெட் இழப்புக்கு 158 ஓட்டங்களை எடுத்தது. ஹிண்ட்ஸ் 59 ஓட்டங்களும் டோல்புர் 54 ஓட்டங்களும் எடுத்தனர்.

பின்னர் 159 ஓட்டங்கள் அடித்தால் வெற்றி என்ற இலக்குடன் ஆடிய சண்டிகர் லயன்ஸ் அணி 20 ஓவர்களில் 6 விக்கெட் இழப்புக்கு 139 ஓட்டங்களை எடுத்தது. இதனால் அகமதாபாத் ராக்கெட்ஸ் அணி 19 ஓட்டங்கள் வித்தியாசத்தில் வெற்றி பெற்றது.

இதற்கிடையில் மும்பை சாம்ப்ஸ் அணியின் கப்டனான லாரா காயமடைந்திருப்பதால் அவருக்குப் பதிலாக நதன் ஆஸ்லே கப்டனாக இருப்பார் என்று அறிவிக்கப்பட்டுள்ளது.