ஒரு நாள் கிரிக்கெட் போட்டி தரவரிசையில் கடந்த 2 வாரங்களுக்கு முன் இந்திய வீரர் டெண்டுல்கர் முதலிடம் பிடித்தார். முக்கோணப் போட்டியில் அவுஸ்திரேலியாவுக்கு எதிரான இறுதியாட்டத்தில் சிறப்பாக ஆடியதன் மூலம் முதலிடத்தை டெண்டுல்கர் பிடித்திருந்தார். பங்களாதேஷுக்கு எதிரான 3 நாள் போட்டித் தொடரில் தென் ஆபிரிக்க அணி 3-0 என்ற தொடரைக் கைப்பற்றியது. அந்தப் போட்டித் தொடரில் தொடர் நாயகன் விருது பெற்ற தென்ஆபிரிக்க அணித் கப்டன் ஸ்மித் (792 புள்ளிகள்) 3 ஆவது இடத்திலிருந்து முதலிடத்துக்கு முன்னேறியுள்ளார்.

இந்திய வீரர் டெண்டுல்கர் (777 புள்ளிகள்) 2 ஆவது இடத்திலும் அவுஸ்திரேலிய கப்டன் ரிக்கி பொண்டிங் (770 புள்ளிகள்) 3 ஆவது இடமும் பிடித்துள்ளனர். இந்திய அணிக் கப்டன் தோனி 10 ஆவது இடத்திலிருக்கிறார்.

பந்து வீச்சாளர் வரிசையில் நியூசிலாந்து வீரர் வெட்டோரி (790 புள்ளிகள்) முதலிடம் பிடித்துள்ளார். அவுஸ்திரேலிய வீரர் பிராக்கென் (770 புள்ளிகள்) 2 ஆவது இடமும் நியூசிலாந்து வீரர் பொண்ட் (736 புள்ளிகள்) 3 ஆவது இடமும் பெற்றுள்ளனர்.

சகல துறை வீரர்கள் வரிசையில் பாகிஸ்தான் வீரர் சொயிப் மாலிக் முதலிடம் வகிக்கிறார்.