அமெரிக்காவில் உள்ள இன்டியன்வெல்ஸ் நகரில் பசிபிக் லைப் ஓப்பன் டெனிஸ் போட்டி நடந்து வருகிறது.

இதன் பெண்கள் ஒற்றையர் பிரிவில் 3-ஆவது சுற்று ஆட்டத்தில் உலக தர வரிசையில் 32-ஆவது இடத்திலிருக்கும் இந்திய இளம் வீராங்கனை சானியா மிர்சா,18-ஆவது இடத்தில் உள்ள இஸ்ரேல் வீராங்கனை ஷாகர் பீரை சந்தித்தார்.

விறுவிறுப்பான இந்த ஆட்டத்தில் முதல் செட்டை இழந்த சானியா,அடுத்த 2 செட்களையும் தனதாக்கி வெற்றி பெற்றார். முடிவில் சானியா மிர்சா 6-7,7-5,6-3 என்ற செட் கணக்கில் ஷாகர் பீரை வீழ்த்தி 4-ஆவது சுற்றுக்கு முன்னேறினார்.

மற்றொரு ஆட்டத்தில் முன்னாள் முதல் நிலை வீராங்கனை அமெலி மவுரெஸ்மோ (பிரான்ஸ்) 1-6,2-6 என்ற நேர் செட்டில் உக்ரைன் வீராங்கனை அலோனா பொன்டாரெங்கோவிடம் அதிர்ச்சித் தோல்வியடைந்தார்.

மற்ற ஆட்டங்களில் மரியா ஷரபோவா (ரஷ்யா),டானிலா ஹன்ட்சோவா (சுலோவக்கியா), ஸ்வெட்லானா குனெட்சோவா (ரஷ்யா) அக்னிஸ்கா (போலந்து) ஆகியோர் வெற்றி பெற்று 4-ஆவது சுற்றுக்கு முன்னேறினார்கள்.

ஆண்கள் ஒற்றையர் பிரிவில் 2-ஆவது சுற்று ஆட்டத்தில் அமெரிக்க வீரர் ஆண்டி ரோடிக் 4-6, 4-6 என்ற நேர் செட்டில் ஜேர்மனிய வீரர் டாமி ஹாஸ்சிடம் தோல்வியடைந்தார். மற்ற ஆட்டங்களில் ரோஜர் பெடரர் (சுவிற்சர்லாந்து),நிகோலாய் டாவ்டெங்கோ (ரஷ்யா), டேவிட் நல்பாண்டியன் (ஆர்ஜென்ரினா ),லெய்டன் ஹெவிட் (அவுஸ்திரேலியா) ஆகியோர் வெற்றி பெற்று 3-வது சுற்றுக்கு தகுதி பெற்றனர்.

ஆண்கள் இரட்டையர் பிரிவில் 2-ஆவது சுற்று ஆட்டத்தில் லியாண்டர் பயஸ் (இந்தியா)-பால் ஹான்லே (அவுஸ்திரேலியா) ஜோடி 7-5,2-6,10-5 என்ற செட் கணக்கில் குலுலெர்மோகனாஸ் (அர்ஜென்ரீனா)- டேவிட் நல்பாண்டியன் ஜோடியை வீழ்த்தி காலிறுதிக்கு தகுதி பெற்றது. மகேஷ்பூபதி (இந்தியா)- மார் நோலஸ் (பகாமஸ்) ஜோடி முதல் சுற்றில் 6-3,7-6 என்ற நேர் செட்டில் கிறிஸ்டோபர் ஹாஸ் (ஜேர்மனி) ரோஜர் வாசென் (ஹொலண்ட்) ஜோடியை வென்றது.