தற்போதைய ஜனாதிபதி விளாடிமிர் புட்டினைத் தொடர்ந்து ரஷ்ய ஜனாதிபதியாக பதவியேற்கப்போகும் மிட்விடேவின் பெயர் சமஸ்கிருத மொழியை தழுவியுள்ளதாகத் தெரிவிக்கப்படுகிறது.

மிட்வேட் என்ன சொல்லிருந்துபெறப்பட்ட மிட்விடேவ் என்பது ரஷ்ய மொழியில் கரடி என்பதைக் குறிக்கின்றது. மரங்களை கடவுளாக வழிபட்ட ஆரம்பகால கிறிஸ்தவர்கள் மிட்விடேவ் என்றும் சொல்லை மிருகங்களை அழைப்பதற்கு பயன்படுத்தியுள்ளனர்.

ஆனால், சமஸ்கிருதத்தில் மிட்வேட் என்னும் சொல் இனிமையான சுபாவத்தைக் கொண்டவர்களை குறிப்பதாக மொழி பெயர்க்கப்பட்டுள்ளது.

அத்துடன், ஆரிய மொழியான மதுவேதியும் இச்சொல்லுக்கு சமஸ்கிருதத்தின் அர்த்தத்தையே கொண்டுள்ளது.

இதனால் ரஷ்யாவின் வடபகுதி இந்திய- ஐரோப்பியர்கள் எனப்படும் ஆரிய பழங்குடியினத்தவர்களின் தாயகமாக விளங்கியிருக்கலாமென நிபுணர்கள் கருதுகின்றனர்.

இதேவேளை, இந்தியாவின் பிரபல அறிவியல் நூலாகவும் கருதப்படும் வேதத்திலும் சுதந்திரப் போராட்ட வீரரான போல் கங்காதர் திலக் என்பவர் வேதத்தை அடிப்படையாகக் கொண்டு எழுதியுள்ள நூலிலும் இந்திய- ரஷ்ய மரபுகளின் பொதுத்தன்மை தொடர்பில் குறிப்பிட்டுள்ளதாகத் தெரிவிக்கப்படுகிறது.

இதேவேளை, 2009 ஜனவரியில் விளாடிமிர் புட்டின் இந்தியாவுக்கு மேற்கொண்டிருந்த விஜயத்தின் போது ரஷ்யாவின் ஆரிய வம்சாவளி தொடர்பில் மறைமுகமாக கருத்துகளை வெளியிட்டமை தற்போது சுட்டிக்காட்டப்பட்டுள்ளது.

அதாவது புதுடில்லியிலுள்ள ரஷ்ய தூதரகமொன்றிற்கு முன்னால் கூடிய இந்தியர்கள் மத்தியில் உரையாற்றிய புட்டின், பல நூற்றாண்டுகளுக்கு முன்பிருந்தே இந்தியர்கள் மற்றும் ரஷ்யர்களுக்கிடையில் பொதுவான மரபுவழித் தொடர்புண்டு என்பதை முதற்தடவையாக புட்டின் ஏற்றுக்கொண்டதாகத் தெரிவிக்கப்படுகிறது.