கட்டாண பொது விளையாட்டு மைதானத்தில் பூரண அரச மரியாதைகளுடன் அஞ்சலி நிகழ்வுகள் இடம்பெற்று அதன் பின்னர் பூதவுடல் கட்டாண வெலிஹேன கத்தோலிக்க சேமக்காலையில் நல்லடக்கம் செய்யப்படும்.

இதேவேளை, கட்டாண இல்லத்தில் வைக்கப்பட்டுள்ள அன்னாரின் பூதவுடலுக்கு நீர்கொழும்பு, கட்டாண பகுதி பாடசாலை மாணவர்கள் , அரச, தனியார் நிறுவனங்களின் ஊழியர்கள் , அரசியல்வாதிகள், சர்வ மதத் தலைவர்கள் உட்பட பலர் இறுதி அஞ்சலி செலுத்தி வருகின்றனர்.

அருட் சகோதரிகள், அருட் தந்தையர்கள் , மாணவிகள் இரங்கல் வழிபாடுகளில் ஈடுபட்டனர்.

கட்டாண பகுதி எங்கும் அமைச்சரின் புகைப்படத்துடனான அஞ்சலி சுவரொட்டிகளும் பதாதைகளும் வெள்ளைக்கொடிகளும் காணப்படுகின்றன.

இறுதிச் சடங்கை முன்னிட்டு இப்பகுதி எங்கும் பலத்த பாதுகாப்பு மேற்கொள்ளப்பட்டுள்ளதுடன், படையினரின் ரோந்து நடவடிக்கையும் இடம்பெற்று வருகிறது.