6 முறை கிராண்ட்ஸ்லாம் பட்டம் வென்றவரான வீனஸ், புளோரிடாவில் உள்ள அமெலியா தீவில் நடந்து வரும் `பாஸ்ச் அண்ட் லாம்ப்' டெனிஸ் போட்டியிலிருந்து கடைசி நேரத்தில் விலகினார். மேலும் ரஷ்யாவுக்கு எதிராக 26 மற்றும் 27 ஆம் திகதி நடக்கும் பெற் கிண்ண அரை இறுதியில் அமெரிக்க அணிக்காக ஆட மறுத்துள்ளார்.

`எனக்குச் சில பிரச்சினைகள் உள்ளன. அதனைத் தீர்க்க வேண்டியுள்ளது. ஆனால், அது என்ன என்று சொல்ல மாட்டேன்' என்று வீனஸ் கூறியுள்ளார்.

இருப்பினும் மே மாதம் இறுதியில் தொடங்கும் பிரெஞ் ஓப்பன் போட்டியில் விளையாட அவர் விருப்பம் தெரிவித்திருக்கிறார். `வீட்டில் இருந்து கொண்டு ரி.வி.யின் மூலம் போட்டியைப் பார்க்க நான் விரும்பவில்லை . இந்த வாரம் வீட்டில் ரீ.வி.யை பார்ப்பதே போதும்' என்று மேலும் அவர் குறிப்பிட்டார்.