அமெரிக்காவில் மியாமி நகரில் சோனி எரிக்சன் ஓப்பன் டெனிஸ் போட்டி நடந்து வருகிறது.

இதன் ஆண்கள் ஒற்றையர் பிரிவில் 4 ஆவது சுற்று ஆட்டத்தில் ஸ்பெயின் வீரர் ரபெல் நடால் 6-2, 6-4 என்ற நேர் செட்டில் நிகோலாய் கிபெரை தோற்கடித்து 4 ஆவது சுற்றுக்கு முன்னேறினார்.

பெண்கள் ஒற்றையர் பிரிவில் 3 ஆவது சுற்று ஆட்டமொன்றில் உலகின் 33 ஆம் நிலை வீராங்கனை லிண்ட்சே டேவன்போர்ட் (அமெரிக்கா), 2 ஆம் நிலை வீராங்கனை அனா இவானோ விச்சை சந்தித்தார். இதில் டேவன்போர்ட் 6-4, 6-2 என்ற நேர் செட்டில் அனா இவானோ விச்சை வீழ்த்தி 4 ஆவது சுற்றுக்கு முன்னேறினார்.

மற்ற ஆட்டங்களில் ஜஸ்ரின் ஹெனின் (பெல்ஜியம்), ஸ்வெட்லானா குனெட்சோவா (ரஷ்யா), ஜெலீனா ஜோகோவிச் (செர்பியா), வீனஸ் வில்லியம்ஸ், செரீனா வில்லியம்ஸ் (அமெரிக்கா), எலீனா டெமென்டிவா (ரஷ்யா), அய் சுஜியமா (ஜப்பான்) ஆகியோர் வெற்றி பெற்று 4 ஆவது சுற்றுக்குள் நுழைந்தனர்.