இதுகுறித்து, இங்கிலாந்து கிரிக்கெட் சபையின் முதன்மை நிர்வாகி டேவிட் காலியர் லண்டனில் நேற்று முன்தினம் கூறியதாவது;

இந்தியக் கிரிக்கெட் அணி 2011 ஆம் ஆண்டு இங்கிலாந்து வருவதை உறுதி செய்துள்ளது. இந்திய அணி 4 டெஸ்ட், 5 ஒருநாள் மற்றும் 20 ஓவர் போட்டி ஒன்றிலும் விளையாடுகிறது.

டெஸ்ட் போட்டிகளை லோர்ட்ஸ், டிரென்ட்பிரிட்ஜ், எட்பாஸ்டன், ஓவல் மைதானங்களில் நடத்தத் திட்டமிட்டுள்ளோம். விரைவில் இறுதி முடிவெடுக்கப்படும். ஒருநாள் போட்டிகள் கார்டிப், துர்ஹாம், லோர்ட்ஸ், ஓவல் உள்ளிட்ட மைதானங்களில் நடத்தப்படும். 20 ஓவர் போட்டிக்கான இடம் இன்னும் முடிவு செய்யப்படவில்லை.

இந்த ஆண்டு நவம்பர் மாதம் இந்தியா செல்லும் இங்கிலாந்து அணி, 2 டெஸ்ட் மற்றும் 7 ஒருநாள் போட்டியில் விளையாடுவதாகவும் டேவிட் கூறினார்.

இங்கிலாந்துக்கு கடைசியாக 2007 ஆம் ஆண்டு சென்ற இந்திய அணி 1-0 என்று டெஸ்ட் தொடரை வென்றது. எனினும், 4-3 என்று இங்கிலாந்து ஒருநாள் தொடரைக் கைப்பற்றியது.