நேற்று முன்தினம் நடைபெற்ற பரபரப்பான இறுதிப்போட்டியில் உலகின் முதல் நிலை வீரரான ரோஜர் பெடரருடன் மோதிய நாடல் 7-5, 7-5 என்ற நேர் செட்களில் வெற்றிபெற்றார். 3 முறை பிரெஞ் ஓப்பன் பட்டத்தை வென்றுள்ள நாடல், போட்டியின் போது முதல் செட்டில் 0-4 என்று பின் தங்கியிருந்தார். தொடர்ந்து 4 ஆவது முறையாக இந்த சாம்பியன் பட்டத்தை வென்றுள்ளார்.

சிறப்பான சேர்விஸ்களை வீசிய ரோஜர் பெடரருடன் 3 ஆவது தொடர் வெற்றியை பெற்றார். இதுவரை 15 முறை பெடரருடன் மோதியுள்ள நாடல், 9 முறை வெற்றி பெற்றுள்ளார். களிமண் ஆடுகளத்தில் 8 முறை நடைபெற்ற போட்டிகளில் இது நாடலுக்கு 7 ஆவது வெற்றியாகும்.