கொல்கத்தா விளையாட்டு செய்தி நிருபர்கள் சங்கம் வழங்கும் இந்தத் தலைமுறையின் சிறந்த விளையாட்டு வீரர் விருது சச்சின் டெண்டுல்கருக்கு வழங்கப்பட்டுள்ளது.
முன்னாள் இந்திய அணித் தலைவரும் சக வீரருமான சவ்ரவ் கங்குலியும் நடிகர் தேபஷ்ரீராயும் இந்த விருதை சச்சின் டெண்டுல்கருக்கு வழங்கினர்.
விருதை பெற்றுக் கொண்டு பேசிய சச்சின் நன்றி தெரிவித்ததோடு, கொல்கத்தா ஈடன் கார்டன் மைதானத்தில் விளையாடுவது என்பது ஒரு தனிச்சிறப்பான உணர்வு என்றார்.
அணியிலிருந்து நீக்கப்பட்டு பின் அணிக்குள் தேர்வு செய்யப்பட்டு திறமையை நிரூபித்ததற்காக கங்குலிக்கும் சிறப்பு விருது வழங்கப்பட்டது. கொல்கத்தா விளையாட்டுச் செய்தி நிருபர் சங்கம் பட்மின்ரன் வீரர் பிரகாஷ் படுகோனிற்கு வாழ்நாள் சாதனை விருது கொடுத்து கௌரவித்தது.
இந்திய கிரிக்கெட் அணியின் புதிய வேகப்பந்து வீச்சாளரான இஷாந்த் ஷர்மாவிற்கு சிறந்த இளம் வீரர் விருது கிடைத்துள்ளது.
