ஐ.தே.முன்னணியின் திருகோணமலை மாவட்ட வேட்பாளர் பட்டியலில் முன்னாள் இராஜாங்க அமைச்சர் எம்.ஈ.எச்.மஹ்ரூபின் புதல்வர் இம்றான் மஹ்ரூபும் இடம்பெற்றுள்ளார்.திருகோணமலை மாவட்டத்தில் ஐ.தே.க மு.க. ஆகியன கூட்டாகப் போட்டியிடுகின்றன. இங்கு வேட்பாளர் பட்டியலில் 7 பேர் இடம்பெறுவர். இவற்றில் இரண்டு முஸ்லிம் காங்கிரஸுக்கு வழங்கப்பட்டுள்ளது.
முன்னாள் பாராளுமன்ற உறுப்பினரும் கிழக்கு மாகாண சபை உறுப்பினருமான எம்.எஸ்.தௌபீக், மூதூர் பிரதேச சபையின் முன்னாள் உதவி தவிசாளர் ஹரீஸ் ஆகியோர் அந்த இரண்டு வேட்பாளர்களுமாவர்.ஐ.தே.முன்னணியின் 5 வேட்பாளர்களுள் முன்னாள் இராஜாங்க அமைச்சர் எம்.ஈ.எச்.மஹ்ரூபின் புதல்வர் இம்றான் மஹ்ரூப், கிண்ணியா நகர சபைத் தவிசாளர் எம்.ஏ.எம்.சாலி ஆகியோரும் இடம்பெற்றுள்ளனர்.ஏனைய மூன்று வேட்பாளர்களும் தமிழ், சிங்கள சமூகத்தைச் சேர்ந்தவர்கள் எனவும் கூறப்படுகின்றது.
